Om konsernet og historia vår
Telemark Bilruter-konsernet er ein regional transport- og servicetilbydar med djupe røter i Telemark – og blikket retta mot framtida. Frå våre kontor i Seljord og operasjonar over heile fylket og vidare, leverer vi trygge og berekraftige tenester innan persontransport, godstransport, verkstadtenester og avfallshandtering.
Konsernet omfattar fleire selskap med kvar si spesialisering, men med felles verdigrunnlag: pålitelegheit, kvalitet, samfunnsansvar og lokal forankring.
Vi er òg stolte over å vere ein av dei største arbeidsplassane i Vest-Telemark, med over 165 tilsette i konsernet. Det betyr mykje for oss å kunne bidra til lokal verdiskaping, sysselsetjing og utvikling – og vi tek det ansvaret på alvor.
Våre selskap og tenester
Historia vår – over hundre år på vegen
Historia vår går heilt tilbake til 1909, då den første bilruta i Fyresdal vart etablert – berre eitt år etter at den aller første rutebilen rulla på norske vegar. I 1910 kom Fyresdal Automobilselskab på plass med den franskbygde La Buire og registreringsnummeret H 7 – eit symbol på pionérånd og framkomstvilje.
I 1998 vart Telemark Bilruter AS etablert gjennom samanslåinga av Vest-Telemark Bilruter LL og Grenland Nord Trafikkselskap AS, og la grunnlaget for det konsernet vi er i dag – med samanhengande tenester, lokal styrke og framtidsretta drift.
Eit konsern i utvikling
Me jobbar kontinuerleg for å tilpasse oss nye behov, krav og teknologi. Gjennom digitalisering, moderne køyretøy og satsing på berekraftige løysingar, ønskjer me å bidra til ein sterkare og grønare region.
Med røter i historia og ansvar for framtida, skal me vera ein trygg og langsiktig partnar for kundar, tilsette og samfunnet rundt oss.
Vår visjon
Påliteleg og varig transportpartnar som leverer gode løysingar for våre kundar og bidreg til ein sterkare, grønare region.
Vår misjon
Med engasjerte medarbeidarar tilbyr vi trygge og effektive løysingar til både lokale og nasjonale kundar.
Vi legg vekt på høg kvalitet, punktlegheit og samfunnsansvar.
Me er stolte av røtene våre i Telemark – og jobbar kvar dag for å vera eit berekraftig alternativ for kundar, tilsette og samarbeidspartnarar.
Strategien vår – 2025 til 2027
I Telemark Bilruter-konsernet byggjer me framtida på røynsle, lokal forankring og eit sterkt ønske om å skape verdi – både for kundane våre og samfunnet rundt oss. Med strategien vår for perioden 2025–2027 skal me vidareutvikle konsernet gjennom fire sentrale satsingsområde:
Med for kunden
Me skal vere ein transportpartnar kundane våre kan stole på – kvar dag. Me jobbar systematisk med leveransekvalitet, respons og kundedialog.
Saman for berekraftig handlekraft
Berekraft handlar om dei vala me tek – kvar dag. Me skal redusere CO₂-utslepp med 20 % på tre år gjennom effektiv køyring, gode drivstoffløysingar og overgang til nullutsleppskøyretøy. Samtidig satsar me på å vere ein trygg og utviklande arbeidsplass for alle tilsette, med fokus på trivsel, kompetanse og tett oppfølging.
Stolt transportpartnar med lokal forankring
Me skal vere tydelege og synlege i marknaden – og vise fram styrkene våre. Med røter i historia, eit sterkt lokalt fotfeste og engasjerte medarbeidarar, skal me utvikle vårt digitale «utstillingsvindauge» via nettside og sosiale medium, og rekruttere nye drømmekundar som nyttar fleire av tenestene våre.
Smidige og framtidsretta løysingar
For å sikre god drift og vekst, skal me forbetre, standardisere og digitalisere forretningsprosessane våre. Me kartlegg potensial, reduserer unødvendige kostnader, og gjennomfører digitale pilotprosjekt som skal løfte konsernet vidare.
Vi held kursen – saman
Med verdiane våre som kompass og ei tydelig retning framover, skal me vere ein påliteleg, berekraftig og moderne samarbeidspartnar – for kundar, tilsette og regionen me er stolte av å vere ein del av.
