Telemark Transportservice AS er resultatet av samanslåinga mellom Telemark Godslinjer og Telemark Transportservice – to solide og lokalt forankra verksemder med lang erfaring innan transport, logistikk og miljøtenester. Samanslåinga har gitt oss ein sterkare og meir komplett aktør, rusta for framtida og klare til å levere endå betre løysingar til kundane våre.
Røtene våre strekkjer seg langt tilbake. Historia til Telemark Transportservice starta i år 2000, då Frank Olsen AS vart kjøpt opp og vidareført under nytt namn. Samstundes byggjer verksemda på over 40 års erfaring innan distribusjon, mellom anna som hovudleverandør for Schenker i regionen gjennom fleire tiår. Telemark Godslinjer har på si side vore ein sentral aktør i Telemark, med brei kompetanse innan transport, renovasjon og miljøtenester, og med hovudkontor i Seljord – midt i hjartet av fylket.
Sterk kapasitet – breitt nedslagsfelt
I dag har Telemark Transportservice AS rundt 140 dyktige og engasjerte tilsette og ein moderne og fleksibel bilpark på om lag 110 køyretøy, inkludert lastebilar, vogntog og spesialbilar. Ein stadig større del av bilparken er utsleppsfri eller lågutslepp, og vi har investert i både el- og gasskøyretøy, mellom anna til slamtransport. Dette er ein viktig del av satsinga vår på meir berekraftige transportløysingar – utan at det går på kostnad av kvalitet, effektivitet eller leveringspresisjon.
Vi bemannar ruter for stykkgodstransport i Horten, Tønsberg, Sandefjord, Larvik og Grenland, og tilbyr containertransport og innanlandstransport i store delar av landet. I tillegg utfører vi oppdrag over landegrensene.
Verksemda har òg fleire langsiktige kontraktar innan avfallsrenovasjon i Vest-Telemark og slamrenovasjon i fleire regionar i Sør-Noreg. Samt drift av eigen miljøstasjon i Bø.
Lokasjonar
Telemark Transportservice har verksemd i både Skien og Seljord, med kontor og lagerterminalar på begge lokasjonar. På Rødmyr industriområde i Skien har vi terminal, verkstad og lager på om lag 500 m². Delar av lageret blir nytta som varehotell, med kapasitet til rundt 120 pallereolar. På verkstaden utfører vi service og vedlikehald på eige utstyr og køyretøy, – slik held me kvaliteten høg og driftsstansen låg.
Med 🖤 for kunden
Vi legg stor vekt på pålitelegheit, presisjon og personleg oppfølging. Med høg fagkompetanse, lokal tilknyting og eit tydeleg fokus på kvalitet og berekraft, jobbar Telemark Transportservice AS kvar dag for å vere ein trygg og langsiktig samarbeidspartnar – for kundane våre, for miljøet og for regionen.